23.11. Sydney
Sydney, mini letste 2 Taeg in Australie!
Soo, es isch tatsaechlich sowiet. Huet, Sunntig, isch min letste Tag ide Stadt, morn lauft nuem viel will ich wird bereits am halb 10ni abgholt im Hotel und zum Flughafe brocht.
Gester, also am Samstig Morge bini au nur no mini letste Sache in Adelaide am Packe gsi und han uf de Airportshuttle gwartet. Denn het mich de Virgin Blue Flueger mit einige windige Turbulenze mit holpriger Landig noch Sydney gfloge, wo ich jetzt zum insgesamt dritte Mol acho bin...
Mis Hotel Travelodge isch mitte in China Town, also au dasmol sehr zentral wider, ide noechi vom Central Station und Hyde Park. Ich bin am Samstig Obig und am Sunntig no ide Stadt umegloffe und han Sydney nomol so richtig gnosse... S Wetter isch segemer mol mittelmaessig und erinneret mich doch sehr a dihai.
A mim letste Obig in Australie han ich denn doch no doerfe es Fuerwerk erlebe in Sydney. Do isch naemlich d Show Australian Idol gsi (genau s glich wie Deutschland sucht den Superstar) und defuer hends de ganzi Platz rund ums Operehus gsperrt.
S Fuerwerk isch denn waehrend de Lieder abgloh worde vo Schiff wo do im Hafe verteilt gsi sind und im Park. Es isch fantastisch gsi, d Foeteli choemed natuerlich nid dranane... Trotzdem hani versuecht es par uezlade bevors witergoht zum Flughafe.
Mini Plaen fuer die noegst Wuche gsend so us:
Am Mentig fluegi zerst uf Singapur ime 8stuendige Flug mit ere 747 dasmol, ebefalls wider Singapore Airlines. Denn bini fuer 3 Stund det am Flughafe und warte uf min Aschlussflug wo 21.00 uf Kuala Lumpur got. Das isch d Air Asia, kai Ahnig mit was die so umeflueged, aber abe chunt de Vogel sowieso irgendwie :) De Hi- und Retourflug hend zeme 130 Stutz kost inklusive allem, also chamer nid allzu viel erwarte...
Denn moecht ich die ganzi Stadt aluege inklusive de TV Turm und Petronas Towers und bizeli go Christmas Shoppe.
Am Dunnstig 27. gohts bereits wider uf Singapur zruck, wo ich nomol 3 Naecht bin. Det moecht ich nomol d Stadt gnuesse und no in Night Zoo goh.
Am 30.11. isch min Trip vorbi und min Flueger goht am Nomitag Richtig Zuerich, vo det a hend ihr mich wider am Hals... Zit vergoht scho schnell, oder?