Wunschbuech

* * * * * * * * * * *

Wänn eus öpper es Hochziits-Gschänkli wetti mache, dänked bitte dra:

Mir wohned bereits sit einige Jahr zäme und euse Huusrat isch komplett.

Über en Zuestupf uf euses "Honeymoon-Konto" würed mir eus aber sehr freue!

* * * * * * * * * *

Uf eusere Traumreis um d'Welt ume händ mir vieli

wunderschöni Plätzli dörfe bsueche.

Trotzdem händ mir no es paar Idee, wo mir eusi

Flitterwuche chönnted verbringe.

Churz gseit, mir händ die Qual der Wahl:

 

 

Wänd mir eus SÜDAFRIKA mit

Kapstadt

und de bekannte "BIG FIVE" (Elefant, Büffel, Nashorn, Löwe, Leopard) aluege?

Oder sölled mir en Abstecher nach NAMIBIA

mache und eus dete unter anderem vo de gröschte Sanddüüne Soussuvlei verzaubere lah?

Oder wämmer eus uf de

beliebte  Flitterwuche-Insle SEYCHELLE oder MAURITIUS verwöhne lah?

 

 

Mir träumed uf jedefall vo dene erwähnte Variantene.

Für welli dass mir eus entscheided, chunnt no us.

 

Kontoagabe bzw. Iizahligsschii chönd bi eus unter anderem

 via Kontaktformular agfordered werde.

(Natürli au über Telefon, Email oder SMS)

 

 

** V I E L E   H E R Z L I C H Ä   D A N K  **

 

 

 

Mir händ eus afangs Juli entschiede, wo mir flittere werded!

Unter "Flitterwuche" erfahred ihr bitsli meh