Freunde von
Thailand
19. November 2005 / Bangkok
Also nacheme agnehme Flug vo Hongkong uf Bangkok simmer tiptop acho. Nume hemmer daenn scho mal no vor de Passkontrolle zspuere uebercho, dass da noed alles so lauft wie mer sich das so gwoehnt isch. Nach 50 Minuetiger Warteziit haet eus s'Froelein bim Schalter gseit, mier muessed no e Ireise-Bestaetigung organisiere (mer haend eus scho gwundered gha wieso mier die im Flueger ine noed uebercho haend, aber daenn am Flughafe haet eus niemert e Uskunft choenne gaeh wills eus noed verstande haend). Uf jedefall nach laengerem Hin/- und her und au nach Gepaeck-Suechi simmer daenn im Taxi gsaesse und bald druf abe i eusem Hotel gsi. Dete het sich usegstellt, dass mier nume es Zimmer fuer ei Person haend (obwohl uf eusere Email-Bestaetigung das anderscht druf gstande isch). So weit so gut, haet daenn alles no klapped und mer haend e agnehmi Nacht ime riesige Hotelzimmer verbracht. Mer sind eus nachhere Wuche uf engschtem Ruum in Hongkong so viel Platz gar nueme gwoehnt gsi :-) Und de "Biel-Galden" ( ---> Biergarten) ufm Dach mitere schoene Ussicht ueber d'Stadt haet eus grad nomal gfalle. Danke vielmal Rene fuer Dini Empfehlig fuer das Hotel!
Am erschte Tag in Bangkok simmer bitzli ueberfordere gsi. Sehr viel Autos, no meh Tuk-Tuks wo eim um d'Nase fraesed und au vieli Taxis und Busse. Entsprechend isch d'Luft da ide Stadt. Mer muen als Fuessgaenger unglaublich ufpasse, sogar wenn mer ufm Zebrastreife isch duessed d'Autos -wie au Tuk-Tukfahrer eifach los. Daenn schmoeckts us jedem Egge ziemli fescht, mengmal recht streng, mengmal au sehr fein nach Esse. Da wohned die Riiche nebed de Arme, mer gseht wunderschoeni Hueser nebed chline und fuer eus fascht noed vorstellbare Wohnbaraggene. Mer chan noed es paar Meter laufe ohni anere sogenannte "Gar-Chuchi" (e Art Grill wo mittels Mofa oder Velo mobil isch und wo Fleisch, Fisch, Gmues oder Suppe druf gchoched und fuer sehr wenig Geld verkauft wird), amene Massagesalon, amene Stofflade oder ame Uhrestand verbi zcho.
Tuk-Tuk-Fahrer sind ziemlichi Gauner, sie probiered eifach jedes Mal eus Tourischte uebers Ohr zhaue und verlanged en horrende Priis fuer e Fahrt wo sie normalerwiis fuer maximum en Viertel vom abotene Priis muessted mache. Bispiel: abotnige Priis 200 Baht (ca. CHF 6.50), schlussendlich abeghandlete und au zahlte Priis 30 Baht (ca. CHF 1.-).
Fuer eus als Bangkok-Neuling ischs schwierig, en Ueberblick z'finde und es gseht alles so aehnlich us, es git keis Zentrum und es isch eifach riesig. Zum Glueck haet eus de Rene per SMS es paarmal tolli Tipps choenne gaeh.
Mier haend so Freud gha, hend mier d'Stadt mit de Franziska und em Puki zeme choenne chli entdecke. Mer haend wunderschoeni Usflueg gmacht und tolli Tempel und Gebiet mitenand aglueged. D'Stadt haet so ganz en anders Gsicht uebercho. Zum Biispiel e Fahrt miteme Schnellboot durch d'Klongs dure, Nebedkanael vom grosse Fluss Chao Phraya vo durch d'Stadt fluesst, mer haend vieli Tempel aglueged, doerfe s'Fescht "Loy Krathong" ide November-Vollmondnacht erlebe. Das isch wunderschoen gsi. Ganz vieli Boot us Bananeblaetter, mit Raeucherstaebli und vielne Blueme und Cherze sind am Abig vo de Luet uf de Fluss gsetzt worde und devogschwumme. Dezue hets hinderenand 3 wunderschoeni Fuerwerk gaeh.
Mer haend es paarmal sehr fein g'aesse und natuerlich viel, viel glached. Noed vergesse die entspannendi Fuessmassage, womer alli nebed enand glege sind und de Puki sis bstellte Bier eifach noed uebercho haet :-)
Also nacheme agnehme Flug vo Hongkong uf Bangkok simmer tiptop acho. Nume hemmer daenn scho mal no vor de Passkontrolle zspuere uebercho, dass da noed alles so lauft wie mer sich das so gwoehnt isch. Nach 50 Minuetiger Warteziit haet eus s'Froelein bim Schalter gseit, mier muessed no e Ireise-Bestaetigung organisiere (mer haend eus scho gwundered gha wieso mier die im Flueger ine noed uebercho haend, aber daenn am Flughafe haet eus niemert e Uskunft choenne gaeh wills eus noed verstande haend). Uf jedefall nach laengerem Hin/- und her und au nach Gepaeck-Suechi simmer daenn im Taxi gsaesse und bald druf abe i eusem Hotel gsi. Dete het sich usegstellt, dass mier nume es Zimmer fuer ei Person haend (obwohl uf eusere Email-Bestaetigung das anderscht druf gstande isch). So weit so gut, haet daenn alles no klapped und mer haend e agnehmi Nacht ime riesige Hotelzimmer verbracht. Mer sind eus nachhere Wuche uf engschtem Ruum in Hongkong so viel Platz gar nueme gwoehnt gsi :-) Und de "Biel-Galden" ( ---> Biergarten) ufm Dach mitere schoene Ussicht ueber d'Stadt haet eus grad nomal gfalle. Danke vielmal Rene fuer Dini Empfehlig fuer das Hotel!
Am erschte Tag in Bangkok simmer bitzli ueberfordere gsi. Sehr viel Autos, no meh Tuk-Tuks wo eim um d'Nase fraesed und au vieli Taxis und Busse. Entsprechend isch d'Luft da ide Stadt. Mer muen als Fuessgaenger unglaublich ufpasse, sogar wenn mer ufm Zebrastreife isch duessed d'Autos -wie au Tuk-Tukfahrer eifach los. Daenn schmoeckts us jedem Egge ziemli fescht, mengmal recht streng, mengmal au sehr fein nach Esse. Da wohned die Riiche nebed de Arme, mer gseht wunderschoeni Hueser nebed chline und fuer eus fascht noed vorstellbare Wohnbaraggene. Mer chan noed es paar Meter laufe ohni anere sogenannte "Gar-Chuchi" (e Art Grill wo mittels Mofa oder Velo mobil isch und wo Fleisch, Fisch, Gmues oder Suppe druf gchoched und fuer sehr wenig Geld verkauft wird), amene Massagesalon, amene Stofflade oder ame Uhrestand verbi zcho.
Tuk-Tuk-Fahrer sind ziemlichi Gauner, sie probiered eifach jedes Mal eus Tourischte uebers Ohr zhaue und verlanged en horrende Priis fuer e Fahrt wo sie normalerwiis fuer maximum en Viertel vom abotene Priis muessted mache. Bispiel: abotnige Priis 200 Baht (ca. CHF 6.50), schlussendlich abeghandlete und au zahlte Priis 30 Baht (ca. CHF 1.-).
Fuer eus als Bangkok-Neuling ischs schwierig, en Ueberblick z'finde und es gseht alles so aehnlich us, es git keis Zentrum und es isch eifach riesig. Zum Glueck haet eus de Rene per SMS es paarmal tolli Tipps choenne gaeh.
Mier haend so Freud gha, hend mier d'Stadt mit de Franziska und em Puki zeme choenne chli entdecke. Mer haend wunderschoeni Usflueg gmacht und tolli Tempel und Gebiet mitenand aglueged. D'Stadt haet so ganz en anders Gsicht uebercho. Zum Biispiel e Fahrt miteme Schnellboot durch d'Klongs dure, Nebedkanael vom grosse Fluss Chao Phraya vo durch d'Stadt fluesst, mer haend vieli Tempel aglueged, doerfe s'Fescht "Loy Krathong" ide November-Vollmondnacht erlebe. Das isch wunderschoen gsi. Ganz vieli Boot us Bananeblaetter, mit Raeucherstaebli und vielne Blueme und Cherze sind am Abig vo de Luet uf de Fluss gsetzt worde und devogschwumme. Dezue hets hinderenand 3 wunderschoeni Fuerwerk gaeh.
Mer haend es paarmal sehr fein g'aesse und natuerlich viel, viel glached. Noed vergesse die entspannendi Fuessmassage, womer alli nebed enand glege sind und de Puki sis bstellte Bier eifach noed uebercho haet :-)
23. November 2005 / us Chiang Mai wieder in Bangkok
So, zwuescheziitlich sind wir wieder in Bangkok. Mer sind fuer es paar Taeg Richtig Norde gange. Zerscht ca. 7h mitm Zug (wo im Ticket sogar Getraenk und en warme Zmittag inbegriffe gsi isch) vo Bangkok bis nach Phitsanulok. Uf dere Zugfahrt hemmer viel vom Land selber gseh, wunderschoen gruen (klar, isch au grad d'Regeziit fertig.... *g*), vieli schoeni Hueser, Buure uf ihrne Riisfelder am schaffe. Vom Bahnhof in Phitsanulok simmer daenn knapp 30 Minute zu eusem Hotel gloffe (mer haend keis Tuk-Tuk gno, will s'Hotel luut Plan viel noecher gsi isch) und churz druf abe simmer daenn grad d'Ortschaft goge erkunde. Haend dete en schoene Tempel aglueged, die romantischi River-Side gnosse und en schoene Sunneuntergang choenne gnuesse. Daenn haend mier eus ime herzige Park unter freiem Himmel am Flussufer e einstuendigi Fuessmassag goennt (haet eus CHF 3.- g'choschtet pro Person und isch seeeeehr entspannend gsi). Aschluessend simmer durch de Nightmarket gschlendered und haend eifach d'Ziit vorm Znachtesse gnosse. Uebrigens, mini neui Beschaeftigung isch mitm Thomas durch Nightmarkets spaziere, vo eim Stand zum andere. Eifach luege, die schoene Sache bewundere wos da abuetet, die viele Fruecht, de Gschmack vom feine Esse ufnaeh und die ganzi Atmosphaere ufsuuge.
Am nechschte Tag ischs daenn mitm Bus 5 1/2 Stund (mit Verspoetig sinds daenn knapp 6h gsi) uf Chiang Mai gange. Au da wieder: durch ganz schoeni Landschafte, durch Urwald, unberuehrti Gegende und abglegnigi Doerfer und Taeler ischs gange. Churz nachdem mer in Chiang Mai i eusem Guesthouse acho sind, simmer zume thailaendisches Nachtesse mit Volkstaenze iglade gsi. I dem offnige Restaurant simmer alli am Bode ghoeckled und haend s'feine Esse gnosse. Churz druf abe haend die Iheimische eus ihri verschiedenige Taenz zeiged und eus so ihri Kultur chli noecher bracht. Daenn am Tag danach haemmer no chli d'Stadt aglueged und bald ischs mitm Flueger wieder zrugg uf Bangkok gange. Au da hetted mer welle laenger bliebe: will aber in Chiang Mai no es Fescht isch, haend mier - luut Agabe vom Reisebuero - spoeter kein Ruckflueg meh gha. Und so sind mier wieder in Bangkok und vertriebed eus d'Ziit chli mit umeschlendere und em Ufarbeite vo eusne Bilder und de Homepage.
Zwuescheziitlich choend mer chli besser mit dem wahnsinnige Verkehr umgah. Und ich selber chan au besser a dene viele wunderschoene Siide-Laede/Fabrike verbi laufe, ohni dass ich de Gedanke ha "ooooh, ich wuer doch sooooo gern oepis poschte", egal ob en Pashmina-Schal, e Siide-Bluse, es edels Abigchleid, en perfekt passende Azug fuers Buero oder eifach neui Siide-Ueberzueg fuer eusi Sofachuessi diheime... :-)
Morn morge frueh gahts mitm Bus wiiter uf Pattaya, womer hoffentli eusi Fudis chli choend im Meer bade... d'Bricht und Foeteli folged.....
So, zwuescheziitlich sind wir wieder in Bangkok. Mer sind fuer es paar Taeg Richtig Norde gange. Zerscht ca. 7h mitm Zug (wo im Ticket sogar Getraenk und en warme Zmittag inbegriffe gsi isch) vo Bangkok bis nach Phitsanulok. Uf dere Zugfahrt hemmer viel vom Land selber gseh, wunderschoen gruen (klar, isch au grad d'Regeziit fertig.... *g*), vieli schoeni Hueser, Buure uf ihrne Riisfelder am schaffe. Vom Bahnhof in Phitsanulok simmer daenn knapp 30 Minute zu eusem Hotel gloffe (mer haend keis Tuk-Tuk gno, will s'Hotel luut Plan viel noecher gsi isch) und churz druf abe simmer daenn grad d'Ortschaft goge erkunde. Haend dete en schoene Tempel aglueged, die romantischi River-Side gnosse und en schoene Sunneuntergang choenne gnuesse. Daenn haend mier eus ime herzige Park unter freiem Himmel am Flussufer e einstuendigi Fuessmassag goennt (haet eus CHF 3.- g'choschtet pro Person und isch seeeeehr entspannend gsi). Aschluessend simmer durch de Nightmarket gschlendered und haend eifach d'Ziit vorm Znachtesse gnosse. Uebrigens, mini neui Beschaeftigung isch mitm Thomas durch Nightmarkets spaziere, vo eim Stand zum andere. Eifach luege, die schoene Sache bewundere wos da abuetet, die viele Fruecht, de Gschmack vom feine Esse ufnaeh und die ganzi Atmosphaere ufsuuge.
Am nechschte Tag ischs daenn mitm Bus 5 1/2 Stund (mit Verspoetig sinds daenn knapp 6h gsi) uf Chiang Mai gange. Au da wieder: durch ganz schoeni Landschafte, durch Urwald, unberuehrti Gegende und abglegnigi Doerfer und Taeler ischs gange. Churz nachdem mer in Chiang Mai i eusem Guesthouse acho sind, simmer zume thailaendisches Nachtesse mit Volkstaenze iglade gsi. I dem offnige Restaurant simmer alli am Bode ghoeckled und haend s'feine Esse gnosse. Churz druf abe haend die Iheimische eus ihri verschiedenige Taenz zeiged und eus so ihri Kultur chli noecher bracht. Daenn am Tag danach haemmer no chli d'Stadt aglueged und bald ischs mitm Flueger wieder zrugg uf Bangkok gange. Au da hetted mer welle laenger bliebe: will aber in Chiang Mai no es Fescht isch, haend mier - luut Agabe vom Reisebuero - spoeter kein Ruckflueg meh gha. Und so sind mier wieder in Bangkok und vertriebed eus d'Ziit chli mit umeschlendere und em Ufarbeite vo eusne Bilder und de Homepage.
Zwuescheziitlich choend mer chli besser mit dem wahnsinnige Verkehr umgah. Und ich selber chan au besser a dene viele wunderschoene Siide-Laede/Fabrike verbi laufe, ohni dass ich de Gedanke ha "ooooh, ich wuer doch sooooo gern oepis poschte", egal ob en Pashmina-Schal, e Siide-Bluse, es edels Abigchleid, en perfekt passende Azug fuers Buero oder eifach neui Siide-Ueberzueg fuer eusi Sofachuessi diheime... :-)
Morn morge frueh gahts mitm Bus wiiter uf Pattaya, womer hoffentli eusi Fudis chli choend im Meer bade... d'Bricht und Foeteli folged.....
29. November 2005 / Abstecher nach Pattaya
(8-ung: noed wuerkli laessig, aber ihr wend ja Facts, noed wahr?)
Nach ere ziemlich muehsame Fahrt mitm Minibus wo staht ca. 2h mind. 4h gange isch, sind mier daenn endlich in Pattaya acho. Euse Driver isch furchtbar gfahre, haet us Kostegruend anstatt d'Autobahn die schlechteri Strass (genau underhalb vo de Autobahn) gno und isch am Afang mit eus zerscht mal oeppe 1h in Bangkok umegfahre und haet eus immer wieder im Bus ine warte lah. Mer sind eus ziemlich usgliefered vor cho will eus niemert haet choenne erklaere was lauft (das isch halt, wenn mer noed die glichigi Sprach redet).
s'Hotel isch daenn aber super gsi miteme schoene Swimmingpool und de Typ wo ab dete fuer eus zuestaendig gsi isch haet relativ guet Englisch (natuerli mitm entsprechende Dialekt) gredet und mer haend eus langsam wieder wohler gfuehlt. Mer haend de Tag miteme Strandspaziergang, eme Schwumm im Pool und eme feine Znacht zmitzt ide Party-Zone (inklusive sexy Bars und die typische Klischees vo Pattaya - wo zwuescheziitlich vom Gouverment ziemlich degege akaempft wird, will Pattaya naemlich no viel meh als nume Sex-Tourismus buete chan) usklinge lah.
De Usflug am nechschte Tag uf Ko Larn (Coral Island) mitm Boot isch sehr schoen gsi und haet eus en neue Iidruck gaeh vo de Straend i dem Land. Mer haend feins Esse uebercho, d'Welle sind gluecklicherwiis weniger gross gsi als erwartet und mer haend en schoene Tag gha. Am Abig simmer in e weltbekannti Travestie-Show ghoeckled und haend dete nume no so gstuuned, was so e ganzi Tanzgruppe leischtet tuet. Es haet uebrigens kei einzigi "echti" Frau debi gha, das haend mier fascht noed choenne glaube, aber ebe genau deshalb sind die Shows so bekannt.
Daenn, churz nach dere tolle Show, ischs losgange: mier isch ploetzlich ziemlich schlecht gsi und anstatt no chli s'Nachtlaebe vo Pattaya gnuesse, sind mier daenn grad direkt is Hotel retour gange. Schliesslich hemmer ja morn welle no oeppis vo Pattaya gseh und ich han wieder "muesse fit" werde. Demit isch daenn leider nuet worde... Nachdem min Koerper oeppe 4h lang ALLES vo sich gaeh haet, ich kei Chraft meh gha han zum alleige laufe und de Thomas nueme gwuesst haet was mache, isch daenn en Genfer Arzt zu eus cho und haet mir e Spritze inklusive Medikament verpasst und gmeint, mier soelled eus am Morge um die 9h nomal bi ihm melde. Das segi einduetig e schlimmi Mageverstimmig wo ich mier da igfange han, muessi i de letschte paar Stund passiert si. D'Spritze haet gege die feschte Buuchchraempf chli gwirkt, d'Medis hetti soelle mind. 15 Min. im Mage bhalte damits oeppis nuetzed. Min Koerper isch da anderer Meinig gsi und haet vorher wieder alles hergaeh....
Irgendwie und ziemlich ohni Schlaf isch daenn die Nacht au dure und de Thomas haet Punkt 9h am Arzt nomal telefoniert und eusi Gschicht verzehlt. De haet daenn gmeint, will d'Spritze und d'Medikamet bi 90% vo de Patiente oeppis nuetzed, soell ich doch zur Sicherheit in Spital gah. Wenig spoeter isch daenn de Krankewage mich goge abhole (luut Arzt waehri es Taxi zu unsicher gsi), Thomas isch natuerli mitcho und churz spoeter bini daenn scho im Spital am Tropf ghanged. Ja, und 3 Taeg au am Tropf bliebe. Will in Asie en Spital fascht wie es Hotel isch und d'Familie jewils bim Patient doerf im Zimmer schlafe, isch de Thomas bi mier gsi und ich bin natuerlich sehr froh gsi da drueber. Ich bzw. mier haend eus sehr guet ufghobe gfuehlt, d'Krankeschwestere haend relativ guet Englisch choenne (zur Sicherheit hettis i dem Spital, wos uebrigens in Bangkok und uf Phuket git, no 24h-Uebersetzige gha), de Genfer Arzt isch 2x verbi cho und de Thomas haet sehr feins Esse uebercho. Ich han mi muesse zwinge zum Riis-Suppe esse und zeme mit de verschiednige Medikament wo ich uebercho han Wasser und Tee trinke. Mit de Versicherig haet alles sehr guet klapped und alles i allem ischs en sehr guete Spitalufenthalt gsi. Wenn mer das so saege chan....
Nachdem mier daenn euse Transfer retour uf Bangkok - wegm Spitalufenthalt - verpasst haend und eusi Reiseplaen relativ guet haend choenne apasse, ischs dann mitm Taxi wieder fuer ei Nacht uf Bangkok und am naechschte Tag mitm Zug in Suede nach Surathani gange. Die langi Zugfahrt, knapp 9h, haet eus sehr guet gfalle und mer haend viel vom Land choenne gseh. Min Koerper haet au brav mitgspielt und ich han mich meh oder weniger wohl gfuehlt, no recht schwach aber es isch guet gange.
5. Dezember 2005 / via Krabi und Ko Lanta zur Endstation Phuket
Mier haend eus im Zug nach Suranthani entschiede, trotz em viele Raege und Ueberschwemmige via Ko Samui uf Ko Phang Nga z'gah und daenn vor Ort wiiterluege. Euse Reiseberater haet eus noed abgrate und drum haend mier gfunde, lueged mier mal direkt. Will de Zug aber mit knapp 50 Min. Verspoetig in Suranthani acho isch haend mier die letschti Ferry uf Ko Phang Nga (via Ko Samui) verpasst und hetted muesse bis am naechschte Tag abwarte. Wills eus dete am Bahnhof aber au s'schlechte Wetter ade Ost-Kueste bestaetigend haend, het de Thomas innerhalb vo 5 Minute realisiert, dass es halt doch nix wird mit Ko Samui, wo er unbedingt hetti anewelle. D'Vernunft haet gsiegt (zerscht d'Verschiebig wegm Spitalufenthalt, daenn d'Zugverspoetig; wieviel Winks hetted mer no muesse uebercho?) und scho sind mier zaeme mit 3 anderne Traveller-Paerli ime chline und offnige Bus
Westkueste nach Krabi ghoeckled. Nach ca. 30 Min. Fahrt haet de Minibus irgendwo im Urwald ghalte und eus alli usglade. Mer haend daenn intepretiert bzw. realisiert - will usserd de Traveller wo us Australie, Amerika und Schwede cho sind und selber noed meh gwuesst haen, haet niemert Englisch gredet - dass das e Bushaltistell isch wo d'Luet gsammled werded unds daenn vo da us wiiter gaht. Irgendwenn, wos daenn scho es Ziitli dunkel gsi isch, ischs daenn au wiiter gange, miteme Minibus wo bis uf de hinderschti Platz bsetzt und ufm Dach volle Gepaeck gsi isch, ischs daenn quer durchs Land, ca. 3h lang. Es isch ganz e churzwiligi Fahrt mit laessige Luet gsi und mer haends alli luschtig gha zaeme, es sind es paar Pinkel-Pausene (im dunkle, irgendwo am Strassehalt bzw. am Wald) igleit worde und mer haend eus ueber de Raege dusse amusiert.
Churz vor Mitternacht simmer daenn in Krabi acho und haend dete ime herzige Hotel direkt am Fluss ime sehr schoene und guenstige Zimmer uebernachtet. Urspruenglich hemmer welle laenger in Krabi bliebe und dete no es paar schoeni Straend aluege. Aber will s'Wetter au da noed so guet gsi isch und mer euses "End-Ziel"Phuket scho wegem Spitalufenthalt haend muesse schiebe, simmer nume 1 Nacht in Krabi bliebe und daenn am Morge mitm Bus und em Boot uf Ko Lanta, e Insle suedwestlich vor Krabi, gange. Dete hemmer 2 Naecht ime chline Resort verbracht (haend dete es Stei-Bungalow gha, en grosse Teil vom Resort isch ueberschwemmt worde vom Tsunami, drum haends vieles renoviert und vieles us Stei neu baut). Die meischti Ziit hemmer mit Strandspaziergaeng, Oel-Massage undereme Strohdach direkt am Strand und mit Lese und am Abig i de Beachbar verbracht. Leider haets au da immer wieder gregnet, so dass tagsueber mit suennele am Strand nuet gsi isch. Bald ischs daenn via Boot nach Ko Phi Phi und daenn Phuket gange. Wills bi eusere Akunft uf Ko Phi Phi gregnet haet, simmer gar noed usgstiege vom Schiff goge d'Insle aluege und mitm Schiff es paar Stund spoeter wiiter, sondern grad direkt sitzt bliebe und wiiter uf Phuket.
Froh, endlich uf de Insle Phuket d'sii, hemmer eusi neu Unterkunft bezoge und sind daenn d'Gegend chli goge erforsche.
Ich han irgendwaenn am Namittag nach Tage s'erschti Mal oeppis anders als numme wiise Riis,Banane oder Suppe wiedermal e richtigi Mahlziit zu mier gno und han sogar wieder richtig Hunger gha ;-)
Am Abig haemmer abgmacht gha... jupiiiiiiiii... d'Simone und de Sasha sind nach ere Rundreis und es paar Tag Ko Phi Phi au uf Phuket, bevors wieder retour id Schwiiz gaht.
Wie gseit, de Abig haemmer mit vertraute Persone vo dihei verbracht und es paar luschtigi Stunde gha. Mer sind fein goge Znacht esse (italienisch!), haend viel plaudered, eus ab de halbnackte, tanzende Thai-Girls uf de Bars obe amusiert unds eifach gnosse. Am nechschte Tag simmer daenn z'vierte am wunderschoene Kata Beach glege und haend s'erschti Mal en Strandtag choenne verbringe. Isch uuuuuuh schoen gsi, obwohls zwuescheddure mal gregnet haet. De Abig haemmer natuerli nomal mit de Simone und em Sasha verbracht, dasmal ischs zum Japaner gange, daenn chli goge shoppe (gell Sasha, isch halt scho oeppis schoens.. hihi....) und daenn sind mer no oeppe goge 2x en Schlummi go trinke, bevor die beide daenn ime ufgmotzte Tuk-Tuk i ihres Hotel sind und gester Morge wieder hei. Total schoen gsi die churzi Ziit mi eu, haet eus sehr guet ta!
Mier haend gester no en unvergessliche Usflug gmacht. Haend d'Monkey Cave gseh, sind mit sogenannte Sea-Canoes wunderschoeni Buchte, Lagune und Felse go aluege und haend die idruecklichi Phang Nga Bay (James Bond Island) besichtiged.
Heut haet no de King vo Thailand Geburi. Mal luege, was es fuer Parties git huet Abig :-)
Und huet genau vor eim Monat simmer in Klote abgfloge!
Ja, und scho bald heissts au fuer eus Abschied naeh vo Thailand. Morn gahts mitm Flugi nach Kuala Lumpur, vo wo us mier chli oeppis vo Malaysia werded aluege und d'Sabi treffe, bevors daenn via Singapur id "Wiehnachts-Ferie" uf Bali gaht.