Gästebuch

Hi together

Chönd iar überhaupt no dütsch, oder söll i better in English writä?:-) I findas mega lässig immerwider Fötali vo eu zgseh und d Bricht zläsa.

I han eu eigentlich no wella mitteila, dass i im Auguscht ins Bündnerland zrugg gahn. I eröffna am 1. Oktober mit em Stephan und minem Mami s Reschtaurant Bahnhöfli in Küblis (sorry für d Werbig, aber as bitzli muass eifach si:-))

Endlich chömemer doch no in üsi scho lang ersehnti Selbständigkeit. Und natürlich hoffemer, dass iar au in dr Schwiz no luscht hend zum a chli reisa und üs mal go bsuacha chömend.

I wünscha eu no a schöni Zit und bis bald

Ganz liabi Grüass
Jasmin

nomal di gross ulknudla
Mittwoch, 3. Mai 2006

Liebe Götti und Thomas

Es hät mi mega gfreut, dass du mir uf min Geburtstag aglüte häsch!Hans überhaupt nid erwartet!

Ich bin au scho uuu mega gspannt uf eui Erzählige, chans chum erwarte!So chan ich mini geographische Känntniss no um einiges erwitere:-)Freu mi wänn ihr gsund wieder dä hai sind und wünsch eu no super vil spass und vili tolli Erläbnis!
Gnüssets und passed uf eu uf..

Vieli liebi Grüess

Vanessa,Melanie und Fam.

Vanessa&Melanie
Freitag, 28. April 2006

Hoi Ihr Zwei!
Tolli site, mir gönd immer wieder bi euch ga inne luege. Vorallem weil miar zwei fascht s'gliiche erläbe werde wie Ihr zwei düend. Miar wünsche Euch alles guete uff dr wytere reis. Machets guet. reto&patrizia

AroundTheWorld
Donnerstag, 20. April 2006

Hey Schrödi und hey Petra (unbekannterwis)
Han vo de Claudia Schenkel ghört was ihr zwei so triebed.....; sooooo lässig!
Ha mär grad Bilder vo oiem Trip aglueged und mär gönnts oi zwar vo Herze - aber es biz Nid isch natürlich au immer däbi ab all dene tolle Ort und Erlebnis wo ihr erlebe düend. Es gseht eifach alles ganz ganz toll us!!!!
Apropos, es isch Oschtere und es regnet bi ois......!!!!!
Hebed na ganz viel Spass und gnüssed die supertolli Zit zäme

En liebe Gruess - Brigitte

Brigitte Wüst
Sonntag, 16. April 2006

Hallo !

Wir sind gerade durch Zufall hier gelandet ... wollten euch nur viel Spaß in Honolulu wünschen ... eine sehr schöne Stadt. Wir waren 2004 für 3 Wochen dort. Falls ihr noch Tips braucht was ihr sehen solltet könnt ihr uns gerne schreiben.

Viel Spaß und schöne Grüße aus dem verschneiten Finnland, Mara & Männer

Mara & Männer
Donnerstag, 6. April 2006

Grüezi ihr zwei glückliche Wältebummler,
Jetzt hän i au emal i öii Superpage ine g'surft (Anfänger!). Gopferchlemi da wirsch ja nüd fertig... aber da muess ich eifach schtune: es Rieseerläbnis für öi zwei! Hey Mann: Krass Geil! Ich wünsch öi vo Härze witerhin viel Spass,Glück und gueti Reis. Ich plange uf öi!
Liebi Grüess Rolf Egger

rolf
Montag, 27. März 2006

G'day travel mates

Mir hocked da,
bi dä Sarah,
eui Föteli sim mer am bestunä
und chömed grad uf ä gueti lunä
am liebschtä wäred mer grad bi eu
und würded eus beneh wiä d'säu
wiä im letschte Juli
wo mer alles versoffä händ bis uf eusä letschä puli
oh, so än porno shot
das wär jetzt flott
doch leider sind ihr jetzt nöd da
und mir müend diä porno shots allei abelah
Hicks, mir merkes aus scho fescht
drum sim mer au no diä einzigä gäscht,
diä anderä händs pulver nöd richtig chönä mischä
drum häm mer diä müessä underem tisch go füräfischä
So, jetzt wünsched mir eu ä gueti Nacht
bi dä tasmanische Tüüfel und no anderer Pracht
Macheds guet
und händ dä Muet
mir ziend vor eu dä Huet, richmueth

Sarah und Reni

Porno Shots
Samstag, 18. März 2006

Hoi Ihr zwei Wältebummler
Genial, wämmer eso lueged, Ihr müends eifach super guet ha. Ihr sind ja scho z'beniide! Vorallem Auschtralie hät natürlich bi mir Heiweh uusglööst. Und wämmer dann no immer das Wätter gseht, nur blaue Himmel.... Bi öis sind nonig emal die 60 cm Schnee ganz ewäg gschmulze, die letschte Hüüfeli erinnered no an tüüfschte Winter. Froie mi also immer wieder emal bi Öi go inneluege, bin gspannt uf die nächste Föteli.
Übrigens Thomas, ich gratuliere Dir no zur Wiederwahl!
Nein, jetzt gnüssed Öieri Reis wiiter, ich wünsche viel Vergnüege!
Grüessli Susy

Susy Brinkmann
Mittwoch, 15. März 2006

HAPPY BIRTHDAY liebs Sünneli, ich wünsche dir alles alles Liebi und Gueti zu dim hütige Geburtstag am 10. März, viel Glück und Zfriedeheit i dim neue Läbesjahr und überhaupt und sowieso!!!! Ich wünsche dir ganz en schönä Tag i de Ferni, ich dänke a dich!
Dicks Bussi
Claudi

Claudi
Freitag, 10. März 2006

He tschau zäme
Bin grad über e Stund dur Eui Page gsurfet.
Isch ja mega, wo Ihr scho überall gsi sind und was Ihr scho alles gseh händ.
Bi mir fahrt grad s'Fernweh i bi all dene Bilder und Idrück.
Bis eus isches im Moment tüfschte Winter.
Es bizzeli Sunne zum uftanke wäri halt scho schön.
Ich wünsch Eu beide no villi gueti Erläbnis und ich freu mich uf witeri Bilder und Bricht vo eure Reis.
Machets guet und bis bald

Michael

Michael
Samstag, 4. März 2006